Табуретка “Party”
Еве еден интересен предлог за во дневната соба. Табуретка и отомани од Casamania во разни големини и изработени од различни материјали. Секогаш меки и еластични, и најчесто со огромно копче на средината. Овалната форма на табуретката базирана на кратките ногарки изработени од природни дрва, му дава сензуалност и разиграност на амбиентот. Помалата верзија на оваа табуретка наречена “Забава” (“Party”) е совршена за одмарање на нозете, додека поголемата верзија нуди релаксирачка и комфорна опција за седење.
5 совети пред да започнете со уредување на домот
Уредувањето на домот најчесто e поврзано со реновирање на цел или дел од домот, вселување во нов стан или куќа. Често тоа е знае да биде и само мало преуредување или давање нова функција на одредена просторија. Во кој било од овие случаи, само кога ќе помислите што се ќе треба да направите и низ што ќе треба да поминете, сигурно ве фаќа паника! За ваквите ситуации спремивме 5 совети за полесно да поминете низ оваа авантура. Читај повеќе
Совршени едни за други
Во животот нештата често одат во парови. Едноставно некои работи не можат едни без други. Некои парови изгледаат природно, некои се елегантни, некои се како распар ама сепак се привлечни, а некои едноставно воодушевуваат. Се разбира ние на блогов ќе прикажеме парови чиј дизјан едноставно воодушевува. Ве тера да помислите дека не може да постои друга комбинација, друга боја или друга форма. Едноставно тие се совршени еден со друг и тоа е тоа. Читај повеќе
IN & OUT во светот на дизјанот на мебелот
Домувањето и опремувањето на домот доживува вистински бум. Човекот во просек поминува 340 дена годишно во својот дом. А можеби токму заради финансиската криза, луѓето сè повеќе време минуваат дома, каде ја имаат слободата целосно да господарат со својот простор и да го уредуваат како што сакаат. Како резултат на ова, луѓето се повеќе посветуваат внимание на дизајнот на внатрешниот домашен простор, но и на надворешниот: градини, балкони или тераси. Читај повеќе
Италијанците на Saloni 2010
Наместо да ви издвоиме уште некое парче мебел од саемот во Милано, не дека нема да го сториме и тоа, овој пат решивме да собереме седумдесетина фотографии од штандовите на неколку домашни излагачи.
Mille модерна стаклена маса
Ни тргна со масите, ама што да правиме, едноставно има некои кои толку многу не воодушевуваат што мораме да ги споделиме. По Big Table еве ја сега и неверојатната стаклена маса Mille дизајниран од Bartoli Design. Доколку барате невообичаена маса за вашиот простор, можеби токму оваа маса ќе ви го реши проблемот. Маса со иновативен дизајн која дава карактер на просторот во кој е поставена. Читај повеќе
Пластика – новата опсесија на дизајнерите
Лесни за паричникот и убави на око, иновативните материјали како што се полипропиленот, метакристалот АБС, најлонот и поликарбонатот, се трајни и погодни за отворен, и за затворен простор. Салоните на италијанските прозиводители се преполни со пластичниот мебел во најразновидни бои.
Читај повеќе
Spoon, создадена за уживање
Лежалка, или столица за уживање, која навистина се издвојува по својот дизајн. Навлаката е од кожа, и има хромирани ногарки. Дизајнот е на Mario Mazzer, а направена е за Bonaldo. Ова перфектно дизајнирано парче мебел одлично може да се смести во интериерот на вашиот дневен простор, библиотека или во канцеларијата. Читај повеќе
Saloni 2010 – нови трендови во светот на дизајнот
Миланскиот “Saloni” e најпознат и највлијателен меѓународен саем за мебел и најголема изложба за декорација во светот.
Од 14 до 19 април присуствувме на 49-тото издание на најголемиот саем за мебел во светот “Salone Internazionale del Mobile” или како што Италијанците го нарекуваат “Saloni 2010”. “ На саемот годинава имаше вкупно 2,542 излагачи распостелени на 530,000 м2.
Big Table – вистинско ремек дело
За дневна инспирација на архитектите и дизајнерите, еве еден предлог. ‘Big Table’ на белгискиот дизајнер Allain Gillles произведена за Bonaldo е вистинско ремек дело. Читај повеќе